En Méindeg waren d'Schüler vum Cycle 2.1 an 2.2 vun der Ecole Fondamentale vu Waasserbëlleg vir eng 2. Visitt beim CISGM op Besuch komm.

No engem klengen Exposé iwwert de Fonctionnement vun der Noutruffzentrale 112 duerften déi zwou nei Klassen dono och nach eng Visitt vum Asazzenter zu Mäertert matmaachen. Hei gouf den 20 Schüler och en Abléck an eise Fuerpark a Material ginn.

Dëse klengen Austausch wäert och nach eng 3. Kéier an nächster Zäit mat anere Klassen duerchgefouert ginn.